Skip to main content

പുത്തന്‍ ക്ലാസ്സില്‍ .....

ഏഴാം ക്ലാസ്സിന്റെ മൂന്ന് ഡിവിഷനുകള്‍ക്കും  നടുവിലായി കാണപ്പെടുന്ന മനോഹരമായ  ഉദ്യാനം എല്ലാവരെയും എന്നത് പോലെ എന്നെയും ആകര്‍ഷിച്ചു...
അങ്ങനെ പുത്തന്‍ ബാഗും ,പുത്തന്‍  കുടയും  ഒക്കെ ആയി ജന എന്റെ ക്ലാസ്സില്‍ കയറി...
എഴുത്തും വരയും ചിത്രങ്ങളും നിറഞ്ഞ ചുവരുകള്‍..  വ്യത്യസ്ത വര്‍ണങ്ങള്‍ ഉള്ള കട്ടി പേപ്പര്‍ ഉപയോഗിച്ച്  അലങ്കരിചിരിക്കുന്നു..
 ബെഞ്ചില്‍ സീറ്റ്‌ കിട്ടുന്നതിനെ കുറിച്ചായിരുന്നു പിന്നീടു എന്റെ ചിന്ത ..ബോയ്സ് ഒരു നിര മുഴുവനും കയ്യടിക്കിയിരിക്കുന്നു..ഇനി പെണ്‍കുട്ടികളുടെ നിര ..മുന്ന് ബെഞ്ചും മുന്ന് ഡസ്ക് ഉം ..
പുറകില്‍ ആയി ഒരു ഡസ്ക് ഉണ്ട്.. ആരോടും മിണ്ടാതെ പകച്ചു നില്‍ക്കുന്ന ആ ബെഞ്ച്‌ ഓര്‍ക്കുക തന്റെ പഴയ കൂട്ടുകരെ പറ്റിയാവണം എന്നെനിക്കു തോന്നി.
ഞാന്‍ മുന്നാമത്തെ നിരയില്‍ ചെന്നു.അല്‍പ്പം സുന്ദരിയായ ഒരു കുട്ടി അരികില്‍ സ്ഥാനം പിടിച്ചിരിക്കുന്നു..അവള്‍ എന്റെ മുഖത്തേക്ക്  പുതിയ ഒരു തരം വികാരത്തില്‍ നോക്കി ...ഞാന്‍ അവളുടെ അരികില്‍ ചെന്നു.അരികില്‍ തന്നെ സീറ്റ്‌ കിട്ടുമല്ലൊഎന്ന വിശ്വാസത്തില്‍..പെട്ടന്ന് അവള്‍ എഴുന്നേറ്റു  അകത്തേക്കുള്ള വഴി കാട്ടി തന്നു ..മനസ്സില്ല്ല മനസ്സോടെ ഞാന്‍ അകത്തേക്ക് കയറി..മുന്‍പിലുള്ള ഇരുപത്തി നാലു പല്ലും കാട്ടി ചിരിച്ചു..സൈഡ് സീറ്റ്‌ കിട്ടാത്തതിലുള്ള  സങ്കടം  മിഴികളില്‍  ഒളിപ്പിച്ചു..

പെട്ടന്ന്   നീണ്ട കമ്മലും ,കഴുത്ത് മുഴുവന്‍ നിറഞ്ഞു നില്‍ക്കുന്ന  മാലയും, നീണ്ട ഗോപി പൊട്ടും  ഒക്കെ  ചാര്‍ത്തി സര്‍വാഭരണ വിഭുഷിത ആയി കയ്യില്‍  മുഴുവന്‍  എക്ലൈര്‍സും   ആയി  കടന്നു വന്ന രൂപം എന്നെ അത്ഭുതപ്പെടുത്തി .കുട്ടികള്‍ എല്ലാം നിശബ്ദത എന്ന വാക്കിലെ  'നി'  നശിപ്പിച്ചിരിക്കുന്നു ..ആരുടെയോ വായില്‍  നിന്നും കടന്നു വന്ന ആളുടെ  പേര് ഞാന്‍ മനസ്സിലാക്കി..

മീനാ ആന്റി  മീനാന്റി


മീന എന്ന  മീന ..ആന്റി .....
   

                                                                                                 ശേഷം അടുത്ത പോസ്റ്റില്‍ 

Comments

  1. സസ്പെന്‍സില്‍ നിര്‍ത്തിയല്ലോ വിവരണം.
    എത്രയും പെട്ടെന്ന് സെക്കന്റ്‌ പാര്‍ട്ട്‌ ഇട് കേട്ടോ

    ReplyDelete
  2. ഉടനെ പോസ്റ്റ്‌ ചെയ്യാം കേട്ടോ

    ReplyDelete

Post a Comment

Popular posts from this blog

എന്റെ മഴ അനുഭവം

അങ്ങനെഒരുമഴക്കാലത്ത്


മഴ പ്രകൃതിയുടെ വരദാനമാണ് .മഴയത്ത് ഒരു ദിവസം എങ്കില്‍ ഒരു ദിവസം നന്നായി നനയുക എന്നത് എന്റെ ആഗ്രഹമായിരുന്നു .എന്റെ സ്വന്തം നാടായ ഇടുക്കിയില്‍ എന്റെ അഞ്ചാം ക്ലാസ്സ് ജീവിതത്തിനിടയില്‍ ആണ് സംഭവം .പുതിയ സ്‌കൂളില്‍ പോകുവാന്‍ പുത്തനുടുപ്പും കുടയും ബാഗും ആയി ഞാന്‍ റെഡി ആയി നിന്നു. പുത്തന്‍ കുട പുതിയ കൂട്ടില്‍ തന്നെ എടുത്തു വെക്കാന്‍ പല തവണ ഓര്‍ത്തുതാണ് .പക്ഷെ ....എടുക്കാന്‍ മറന്നു.

സ്‌കൂളില്‍ പുതിയ കുട്ടികള്‍ക്ക്‌ പ്രവേശനോത്സവം ഉണ്ടായിരുന്നു . . അതി ഗംഭീരമായ ഒന്നു.പാടത്തിന്റെ കരയിലൂടെയാണ് വീടിലെത്തെണ്ടത്. പ്രവേശനോത്സവത്തിനു ശേഷം ഞങ്ങള്‍ പിരിഞ്ഞു .

ഇടവപ്പാതിയിലെ മഴ നനയുക, അതും അച്ഛനും അമ്മയും ഒന്നുമറിയാതെ . അത് എന്റെ സ്വപ്നമായിരുന്നു .പെട്ടന്ന് കറുത്ത കാര്‍മേഘങ്ങള്‍ മാനത്ത് നിറഞ്ഞു .ഇടിയും മിന്നലും എത്തി .ചറ പറ എന്ന് മഴ ആരംഭിച്ചു..കു‌ട്ടുകാര്‍ കുട വാഗ്ദാനം ചെയ്തെങ്കിലും ഞാന്‍ അത് തിരസ്കരിച്ചു .

മഴ നല്ലത് പോലെ നനഞ്ഞു. ടാറിടാത്ത വഴികളിലെ വെള്ളത്തില്‍ കാല്‍ നനച്ചു .പുത്തന്‍ ഉടുപ്പാകെ നനഞ്ഞു .ചെളി തെറുപ്പിച്ച് ഞാന്‍ മഴയെ സ്വാഗതം ചെയ്തു.. കണ്ടത്തിന്‍ ചെര…

അവധിക്കാലം അത്ഭുത കാലം...(എന്റെ അവധിക്കാല ചിന്തുകള്‍)

ഇതെന്റെ  അവധിക്കാലത്തെ പറ്റിയുള്ള സുദീര്‍ഘമായ ഒരു ഓര്‍മക്കുറിപ്പാണ് ....

21/4/2010
എന്തെങ്കിലും എഴുതണം എന്നോര്‍ത്തപ്പോഴെ
ടെറസ്സിന്റെ മുകളില്‍ ഇരുന്നെഴുതാം എന്ന് മനസ്സ് പറഞ്ഞു.
പതിവുപോലെ ഉപ്പേരി ,പക്കാവട ,കുട ,പായ  ,ജീരകവെള്ളം,തുടങ്ങിയ സാധന സാമഗ്രികളുമായി എണി കയറി ഞാന്‍ മുകളില്‍ എത്തി.എന്റെ കറുത്ത പാന്റില്‍ അപ്പോഴേ വെള്ള പെയിന്റ് സ്ഥാനം പിടിച്ചിരുന്നു.

അവധിക്കാലത്തെ ഓര്‍മകളുടെ അയവിറക്കുകാലം എന്നു വിശേഷിപ്പിക്കാന്‍ ഞാന്‍ ആഗ്രഹിക്കുന്നു.ജീവിതം എന്ന അനന്തമായ നീലാകാശത്തെ മനസ്സിലാക്കുവാനും അത് ആസ്വദിക്കുവാനും മനസ്സിനു ലഭിച്ച ഒരു സമ്മാനമാണ് വേനലവധി എന്ന് ഞാന്‍ വിശ്വസിക്കുന്നു.
തുടക്കം
                        മാര്‍ച്ച്‌ മുപ്പതിന് എന്റെ എട്ടാം ക്ലാസ്സിലെ പരീക്ഷ അവസാനിച്ചു .അതെ ,ഇനി ഞാന്‍ എന്റെ ഇക്കൊല്ലത്തെ (പഴകിയ )ലേബര്‍ ഇന്ത്യകള്‍  തപ്പിപ്പിടിച്ചെടുത്തു .സ്വയം വില്‍ക്കപ്പെടാന്‍ ജീവിതം സമര്‍പ്പിച്ച മറ്റൊരു  കൂട്ടം  പുസ്തകക്കെട്ടുകളിലേക്ക് ഇതിനെയും ഇട്ടു..രണ്ടു മാസം പിരിയണം എന്ന സങ്കടത്തോടെയും,രണ്ടു മാസം കാണേണ്ട എന്ന സന്തോഷത്തോടെയും   ഞാന്‍ പുസ്തകങ്ങളെ    കീറച്ചാക്കിന്റെ  ഉള്ളിലേക്ക് ഏത…

സ്വപ്നം ഉറക്കമുണര്‍ന്നപ്പോള്‍!

ഒരു നാള്‍ ഇളനീര്‍ ആകുമെന്ന  മോഹത്തോടെ ജനിച്ചു..
അതിന് മുന്നേ ഞെട്ടറ്റു  താഴേക്കു ....
വീഴും വഴി അത് ഏറ്റു   വാങ്ങിയ നായക്ക്,
കരയനൊരു കാരണം പറഞ്ഞു കിട്ടി!

ഇത് കണ്ടു പൊട്ടിച്ചിരിച്ച കുഞ്ഞിന്റെ കാലില്‍
ആവുന്നിടത്തോളം വിഷം കുത്തിവെച്ച ചോണന്‍,
വീട് തകര്‍ത്തതിന്റെ പ്രതികാരം തീര്‍ത്തു...

കാലിലെ വേദന സഹിക്കവയ്യാതെ ഓടിയ കുഞ്ഞ്...

ഓടിയ തിടുക്കത്തില്‍ കൈതട്ടി,
പെട്ടിക്കൂട്ടിലെ മീന്‍കൂട്  പൊട്ടി!
 വെള്ളത്തുള്ളികളില്‍ ആരും അറിയാതെ കരഞ്ഞ മത്സ്യം
ആത്മഹത്യക്കൊരുങ്ങി..!

അത് വേണ്ടെന്നു പറയാന്‍  തുടങ്ങിയ ചില്ലിന്റെ കൊങ്ങക്കവന്‍ പിടിച്ചു...
കയ്യില്‍ കയറി കോറിച്ച്  ചോര തൂവി.
പുത്തന്‍ ചോരയുടെ നിറവും മണവും
പുതനുടുപ്പിനെ വിഷമിപ്പിച്ചതാവില്ല എങ്കിലും
പിന്നീട് സംസാരിച്ചത്  പുളിയുടെ കമ്പ് ആയിരുന്നു...

 മച്ചിങ്ങ പോലെ വീര്‍ത്ത കവിളും,
നായയുടെ രോദനത്തിന്റെ  ശബ്ദവും,
ചോണനുണ്ടായ  ഈര്‍ഷ്യയും,
ആത്മഹത്യക്കൊരുങ്ങിയ മീനിന്റെ മരണ    വെപ്രാളവും!

കൊങ്ങക്ക്‌ പിടിക്കുന്ന വേദന
അവന്റെ ഹൃദയത്തിനുണ്ടായി ,
പിന്നെ തൊണ്ടക്കും...
ഒടുവില്‍ കണ്ണും ഒന്ന് ചീറ്റി....

ഒരു സ്വപ്നത്തില്‍ നിന്നുണര്‍ന്ന അവന്റെ മേലാകെ ചൂടായിരുന്നു...