എന്ത് ചെയ്യണമെന്നറിയാതെ
വരണ്ട ചുണ്ടുകളിലെ തൊലി
കടിച്ചുപൊളിക്കുകയായിരുന്നു നന്ദന ...
അവളുടെ മുമ്പിലുള്ളത് ഒരായിരം പുസ്തകക്കൂട്ടുകളാണ്
എന്നാല് അവളിലെ ചിത്രകാരി നിറക്കുട്ടുകള് അന്വേഷിച്ചു
പമ്പയാറു കടന്നിരിക്കുന്നു .
നിവര്ന്ന പുസ്തകങ്ങള് അവള്ക്കു നേരെ
കൊഞ്ചനം കുത്തുമ്പോള്
അടഞ്ഞവ പോയ്മുഖവുമായി പതിയെ ചിരിക്കുകയാണ്
ഒന്ന് തുറക്കാന് അവ തന്റെ മുന്പില് അക്ഷമരായി ഇരിക്കുകയാണെന്നവള്ക്കറിയാം...
ബോക്സ് തുറന്നു പേന പുറത്തു ചാടിയിരിക്കുന്നു.
അവളുടെ തുപ്പല് പറ്റിപ്പറ്റി അതിന്റെ ക്യാപ്പിന്റെ നിറം മങ്ങിയിരിക്കുന്നു.
ചാമ്പങ്ങ മൂക്ക് പോലെ ഇരിക്കുന്ന റബ്ബര് അതിന്റെ പൊടിയില് കിടന്നുരുളുകയാണ്.
തന്റെ സ്കേയ്ല് മാറിപ്പോകാതിരിക്കാന്
അവള് അതില് കോറിയിട്ട 'N' എന്ന അടയാളം
മാറ്റത്തിന് വിധേയമായി ഒരു സാത്താന്റെ രൂപം കൈവരിച്ചിരിക്കുന്നു.
പെന്സില്കട്ടര് അവിടെ വായ പൊളിച്ചിരിക്കുകയാണ്.
ഇരയായി അവളുടെ കയ്യില് നിന്നും ഒരു പെന്സില് വീഴാന് ആണ് കട്ടര് ഇത്ര ക്ഷമയോടെ ഇരിക്കുന്നത്.
നല്ല ഷേപ്പ് കിട്ടുവനായി അതിന്റെ വായില് ചെന്ന് തല ഇടുമ്പോള് തന്റെ ജീവിതം തീര്ന്നുകൊണ്ടിരിക്കുന്ന കാര്യം പെന്സില് അറിയുന്നുണ്ടോ ആവോ?
അപ്പോളാണ് അടുത്തമുറിയിലെ ക്ലോക്ക് ആടിയത്..
മണി വൈകീട്ട് ആറരയായിരിക്കുന്നു.
ട്യൂഷന് പോകാന് നേരമായിരിക്കുന്നു.
കണ്ടുമടുത്ത നീല ബാഗെടുത്തു.
അതിനുള്ളിലേക്ക് അവള് പുസ്തകങ്ങളും നോട്ടുകളും ഒന്നൊന്നായിട്ടു..
മേശപ്പുറത്തു നിരന്നു കിടന്ന കട്ടറും റബ്ബറും പേനയും എങ്കിലും എല്ലാം അവള് ബോക്സ് എന്ന തടവറയിലിട്ടു.
അവള് മനസ്സില്ലാ മനസ്സോടെ ചെരുപ്പിട്ടു..
അവള് നടക്കുകയാണ് തന്റെ കഴിവിനെ തടവറയിലിടുന്ന ട്യൂഷന് ക്ലാസ്സിലേക്ക് ....
അപ്പോഴതാ ഒരു തണുത്ത കാറ്റ് വീശി
ഈട്സ് ടൈം ടു ഗെറ്റ് അപ്..ദ ടൈം ഈസ് 6.30..
അയ്യോ ഇത് ജീവിതം തന്നെയാണ്.. ട്യൂഷന് പോകാന് നേരമായി
അവള് കണ്ണ് തിരുമ്മി...
മുന്നില് കാണാനിരിക്കുന്ന ഭയാനകമായ കാഴ്ചകള് അവളെ പേടിപ്പിക്കാതിരിക്കട്ടെ....
പെന്സിലും കട്ടറും സ്കയിലും ഉള്ള പുസ്തകങ്ങളുടെ ലോകം ഒരു തടവറയാകാതിരിക്കട്ടെ.
ReplyDeleteനന്നായിരിക്കുന്നു കവിതക്കുട്ടി. എഴുത്ത് ഇഷ്ടപ്പെട്ടു.
ഇനിയും ധാരാളം എഴുതുക. ഭാവുകങ്ങള്.
"കണ്ടുമടുത്ത നീല ബാഗെടുത്തു.
ReplyDeleteഅതിനുള്ളിലേക്ക് അവള് പുസ്തകങ്ങളും നോട്ടുകളും ഒന്നൊന്നായിട്ടു.". ചിരുതകുട്ടിയുടെ സ്വപ്നങ്ങള് തടവറയില് മൂടപെടാതെ, കഴിവുകള് പുറത്തു ചാടട്ടെ... നന്നായി എഴുതി, തുടര്ന്നും വരണമെങ്കില് ഇനിയും എഴുതുക.
പുതുവത്സരാശംസകള്....
Netha Hussain :ഇല്ല ഒരിക്കലും പെന്സിലും കട്ടറും സ്കയിലും ഉള്ള പുസ്തകങ്ങളുടെ ലോകം ഒരു തടവറയാകില്ല എനിക്കും എന്റെ മനസ്സിനും
ReplyDeleteelayoden നന്ദി ......
ഈ രണ്ടായിരത്തി പതിനൊന്നു എല്ലാ ബ്ലോഗര്മാര്ക്കും നല്ല വര്ഷമാകട്ടെ...(എല്ലാവര്ക്കും)
പുതുവര്ഷത്തില് ചിരുതകുട്ടിയില് നിന്ന് കൂടുതല് തീപ്പൊരികള് ഉണ്ടാകട്ടെ
ReplyDeleteപുതുവത്സരാശംസകള്....
കണ്ടു കണ്ടു കേട്ടോ നന്ദനെ നിന്റെ കളികള് .
ReplyDeleteഇനി ഇഷ്ട്ടമില്ലാത്ത ട്യുഷന് ക്ലാസ്സില് പോകേണ്ട കേട്ടോ....
ചിന്തകള്ക്ക് ഉയരം കുടുന്നു ...
ReplyDeleteആള് ദി ബെസ്റ്റ്
ഞാനൊരു മാഷ് ആണേ....
ReplyDelete