Skip to main content

Posts

Showing posts from August, 2011

ചിരുതയുടെ ഓണപ്പരീക്ഷാ ചിന്തകള്‍

2011-12  ലെ SSLC പരീക്ഷ എഴുതുന്നവരില്‍ ഒരാളാണ് ഞാന്‍ . ഒന്നാം ക്ലാസ്സ് മുതല്‍ പത്താം ക്ലാസ്സ് വരെ പുത്തന്‍ പഠനരീതികളും പരീക്ഷകളും ശീലിച്ച ഞങ്ങള്‍ക്ക് നിരന്തര മൂല്യനിര്‍ണ്ണയങ്ങള്‍ പുത്തരിയല്ല. തുടര്‍ച്ചയായ കഴിഞ്ഞ നാല് വര്‍ഷങ്ങളിലും പുത്തന്‍ ടെക്സ്റ്റിന്റെ ആദ്യ വിധികര്‍ത്താക്കള്‍ ഞങ്ങളായിരുന്നു. 
       'മതമില്ലാത്ത ജീവന്‍' സ്കൂളില്‍ ചേരാന്‍ എത്തിയത് ഏഴാം ക്ലാസ്സില്‍ ഞങ്ങളുടെ കൂടെയായിരുന്നു. എന്നാല്‍ സ്കൂള്‍ പൂട്ടും മുമ്പ് തന്നെ പേരിലും  ഭാവങ്ങളിലും മാറ്റങ്ങളുമായി പുതിയൊരു താളില്‍ എത്തിയ ജീവനെ ഞങ്ങള്‍ പുസ്തകത്തില്‍ ഒട്ടിച്ചു ചേര്‍ത്തു.ഇപ്പോള്‍ പത്താം ക്ലാസ്സില്‍ വിവാദത്തിലായിരിക്കുന്നത് ചരിത്ര പുസ്തകം. ഇന്നലെകളുടെ ജീവിതം ഇന്നത്തെ  ചരിത്രമായപ്പോള്‍, ആ ചരിത്രത്തെ തിരുത്തുവാന്‍ ഇന്നിന്റെ  പ്രിയ പുത്രര്‍ ശ്രമിക്കുന്നത് ശരിയല്ല. ചരിത്രം പ്രീതിക്കും പ്രതീകത്തിനും കളങ്കമാണെന്നറിഞ്ഞപ്പോള്‍  അത് മായ്ച്ചു കളഞ്ഞുകൊണ്ടല്ല , ആ  സത്യം തിരിച്ചറിഞ്ഞ്  നാളത്തെ ചരിത്രത്തിലെങ്കിലും തങ്കലിപികളില്‍ എഴുതപ്പെടാന്‍ തക്ക  പ്രവൃത്തികള്‍ ഇന്ന് ചെയ്യുകയാണ് വേണ്ടത് എന്ന് അവര്‍ മനസ്സിലാക്കുന്നത് നന്നായ…