Friday, April 29, 2011

ജില്ലാബാല ശാസ്ത്ര കോണ്‍ഗ്രസ്‌ അവലോകനം -ചിരുതയുടെ ചിന്തയില്‍

2011 ഏപ്രില്‍ 27,28 തീയതികള്‍ക്കായി ഞാന്‍ കാത്തിരുന്നത് മറ്റൊന്നിനും ആയിരുന്നില്ല .കേരളാശാസ്ത്ര സാഹിത്യ പരിഷത്തിന്റെ ജില്ലാ തല  ബാലാ ശാശ്ത്ര കോണ്‍ഗ്രസ്‌ പാപ്പനംകോട് NIIST(National Institute of Interdisciplinary Science and technology) ഇല്‍ വെച്ച് അന്നാണ് നടക്കുക.ബ്ലോഗിങ്ങും കളിക്കലും   ഒക്കെയായി അവധിക്കാലം ചെലവഴിക്കുന്നതിനിടയില്‍ സന്തോഷത്തോടെ ആണ് ഞാനും അക്കയും  ബാലാ ശാസ്ത്ര കോണ്‍ഗ്രസ്‌ നെ സ്വീകരിച്ചത്.

27 നു ഞങ്ങള്‍ പരിപാടി നടക്കുന്ന  സ്ഥലത്തെത്തി. സ്ഥലം പരിചിതമല്ലാത്തതിനാല്‍ ബാലശാശ്ത്ര കോണ്‍ഗ്രസ്‌ ന്റെ ബാനര്‍ ഏറെ  സഹായിച്ചു.വിശാലമായ സ്ഥലം ആണ് NIIST ന്റെതെന്നു ഒറ്റ നോട്ടത്തില്‍ തന്നെ മനസ്സിലായി.തുടര്‍ന്ന് ഞങ്ങള്‍ Registration കൌണ്ടറില്‍ എത്തി.പേരെഴുതിയ ബാഡ്ജും ,ബാഗും,ബുക്കും ഒക്കെ കൈപ്പറ്റി.തുടര്‍ന്ന് അവര്‍ കാണിച്ച വഴിയിലൂടെ ഹാളില്‍  എത്തി.  വളരെ വലിയ ഹാള്‍ നിയെ കുട്ടികള്‍ ഉണ്ടായിരുന്നു.ഇവരില്‍ നിന്നും മികച്ച വിദ്യാര്‍ഥി ആകുവാനുള്ള ആഗ്രഹം അപ്പോഴും കൈവിട്ടില്ല.എങ്കിലും സ്വപ്നം പുറത്തു പറഞ്ഞാല്‍  ഫലം  പോകുമെന്ന വിശ്വാസി ആയതിനാല്‍ ഇക്കാര്യം എല്ലാവരില്‍നിന്നും  മറച്ചു വെച്ചു.നിറഞ്ഞ സീറ്റുകള്‍ക്ക് തപ്പി നടന്നപ്പോള്‍   ഒരു സീറ്റ്‌ കിട്ടി.അടുത്തിരുന്ന കൂട്ടുകാരിയുമായി ഞാന്‍ വേഗത്തില്‍ ഇണങ്ങി.സമയ കൃത്യത പാലിച്ച പരിപാടിയുടെ സ്റ്റേജ് വളരെ ആകര്‍ഷണീയം ആയിരുന്നു.

പിന്നീടു ബാഗ്‌ തുറന്നു നോട്ടീസ് നോക്കിയപ്പോള്‍ ആണ് ഡോ:ര്‍.വി ജി മേനോന്‍ അധ്യക്ഷന്‍ ആണ് എന്ന് മനസ്സിലായത്‌.ഹരിതവിദ്യാലയത്തിലൂടെ കുട്ടികളുടെ  മനം കവര്‍ന്ന അദ്ദേഹത്തെ ഈ പരിപാടിയിലൂടെ ആണ് ആദ്യമായി നേരില്‍ കാണുന്നത് .അതില്‍ ഏറെ സന്തോഷം തോന്നി.
കുട്ടികള്‍  ക്വിസ് ചോദ്യങ്ങള്‍ കാണാതെ പഠിക്കുന്നതിനെ പറ്റിയും ,കുട്ടികള്‍ പേറുന്ന ബാഗെന്ന ഭാണ്ഡത്തെക്കുറിച്ചും ഒക്കെ അദ്ദേഹം വിമര്‍ശനാത്മകമായ രീതിയില്‍ പറഞ്ഞു.പരിഷത് പ്രവര്‍ത്തകന്‍ ഹരിലാല്‍മാഷ് പരിപാടി വിശദീകരിച്ചു.ആദ്യ ദിവസം ഒരു പ്രൊജക്റ്റ്‌ ആണ്.ഞങ്ങള്‍ അത്  സസന്തോഷം  സ്വീകരിച്ചു.

അതിനായി ഗ്രൂപ്പ് തിരിച്ചപ്പോള്‍ ആണ്  ബാഡ്ജിലെ ശാസ്ത്രഞരുടെ ചിത്രം അനുസരിച്ചാണ് ഗ്രൂപ്പ് തിരിക്കുന്നതു  എന്ന്  മനസ്സിലായത് .സ്വന്തം ശരീരത്തില്‍ ബാഗ്ജു കുത്തിയിട്ടും അതിലെ മാഡം ക്യൂറിയുടെ പേര് വായിച്ചു നോക്കാത്തത്തില്‍ ഞാന്‍ ലജ്ജിച്ചു. ഞങ്ങളുടെ ഗ്രൂപ്പില്‍ എട്ടു പേര്‍ ഉണ്ടായിരുന്നു.

NIIST ലെ കെമിസ്ട്രി ലാബില്‍ ഞങ്ങളെ കൊണ്ട് പോയി. കോലിഞ്ചിയില്‍ നിന്നും സെറുംബോണ്‍ വേര്‍തിരിക്കല്‍  ആയിരുന്നു ഞങ്ങളുടെ പ്രവര്‍ത്തനം.ചോക്ക്  കാണിച്ചു ഇതാണ് ടെസ്റ്റ്‌ ട്യൂബ് എന്ന് പഠിച്ചു വളര്‍ന്ന ഞങ്ങള്‍ക്ക് ഈ  ലാബ്‌ പുത്തന്‍ അനുഭവം ആയിരുന്നു. ഈ പ്രവര്‍ത്തനത്തിന്റെ ഭാഗമായി തിന്‍ ലെയര്‍ ക്രോമാറ്റൊഗ്രഫി ,കോളം  ക്രോമാറ്റൊഗ്രഫി എന്നി പ്രവര്‍ത്തനങ്ങള്‍ നേരില്‍ കാണുകയും MAGNETIC PELLET, MAGNETIC STIRRER , ROTOR EVAPORATOR തുടങ്ങിയ ഉപകരണങ്ങള്‍ പരിചയപ്പെടുകയും ചെയ്തു.അവുടുത്തെ സജിന്‍ ചേട്ടനും ധന്യ ചേച്ചിയും ആണ് ഞങ്ങള്‍ക്ക് ഇത്രയും വിവരങ്ങള്‍ പറഞ്ഞു  തന്നത്. അപ്പോഴേക്കും മണി അഞ്ചു കഴിഞ്ഞു. നാളെ വരുമ്പോഴേക്കും സെറുംബോണ്‍  തയ്യാറായിരിക്കും എന്ന് അവര്‍ പറഞ്ഞു .അങ്ങനെ  വീണ്ടും ഞങ്ങള്‍ ഹാളില്‍ എത്തി.അപ്പോഴാണ്‌ ഇതൊരു പ്രൊജക്റ്റ്‌  റിപ്പോര്‍ട്ട് ആയി അവതരിപ്പിക്കണം  എന്ന് സംഘാടകര്‍   അറിയിച്ചത്.ഈ ലാബു  പ്രവര്‍ത്തനം ഹൃദയ സ്പര്‍ശിയും ,മറക്കാന്‍ കഴിയാത്തതും ആയതിനാല്‍  ഈ പ്രൊജക്റ്റ്‌ റിപ്പോര്‍ട്ട്  ഗ്രൂപ്പിന് വേണ്ടി അവതരിപ്പിക്കാം എന്ന്  ഞാന്‍ ഏറ്റു. ഗ്രൂപ്പിലെ മറ്റു അംഗങ്ങള്‍ വരച്ചും, എഴുതിയും മറ്റും സഹായിച്ചു.

ഞങ്ങള്‍ക്ക് മുന്ന് നേരവും അവിടെ നിന്നായിരുന്നു ഭക്ഷണം.വീട്ടില്‍ എത്തിയ ഞാന്‍ NIIST ലെ വിശേഷങ്ങള്‍ രണ്ടു മണിക്കൂര്‍ കൊണ്ട് പറഞ്ഞു തീര്‍ത്തു.നാളെ ഞാന്‍ പ്രൊജക്റ്റ്‌ അവതരിപ്പിക്കും എന്ന്  ആത്മ  വിശ്വാസത്തോടെ പറഞ്ഞു.ഞാന്‍ പ്രൊജക്റ്റ്‌ റിപ്പോര്‍ട്ട് എഴുതി.

പിറ്റേന്നു ശബ്നത്തിന്റെ അമ്മയുടെ കൂടെ ആണ് ഞാന്‍ NIISTല്‍ എത്തിയത്.എല്ലാവരും പ്രൊജക്റ്റ്‌ എഴുത്തിന്റെയും മറ്റും തിരക്കില്‍ ആയിരുന്നു.അപ്പോഴാണ്‌ എന്റെ കൂട്ടുകാരിയുടെ  അച്ഛന്‍ (പരിഷദ് പ്രവര്‍ത്തകന്‍)പറഞ്ഞത് നോക്കി വായിക്കലല്ല  അവതരണം എന്ന്.നോക്കി വായിക്കാന്‍ തയ്യാറെടുത്തു വന്ന എന്റെ 80 ശതമാനം ഊര്‍ജവും പെട്ടന്ന് പോയി.പിന്നെ NIIST ലെ ചേച്ചിയുടെയു ചേട്ടന്റെയും സഹായത്തോടെ ഞാന്‍ ആത്മവിശ്വാസവും പിന്നെ സെറുംബോണ്‍ പരലുകള്‍ ഒട്ടിച്ച ചാര്‍ട്ടും ആയി ഹാളില്‍ എത്തി.

അപ്പോഴാണ് ഇവിടുത്തെ വിവിധ ലാബുകള്‍സന്ദര്‍ശിക്കണം  എന്നുള്ള അറിയിപ്പ് വന്നത്.
പിന്നീട് ഞങ്ങള്‍ കൊപ്ര ഉണക്കുന്ന  ഉപകരണം,പാല്‍പ്പൊടി വേര്‍തിരിക്കുന്ന ഉപകരണം,പുതു  ഗവേഷണങ്ങളുടെ ഡെമോ തുടങ്ങിയവ  കണ്ടത്. ഉച്ച കഴിഞ്ഞാണ് പ്രൊജക്റ്റ്‌.അവതരണം.
പ്രൊജക്റ്റ്‌ കേള്‍ക്കാന്‍ പാപ്പുട്ടി മാഷ് ഉള്‍പ്പെടെ കുറച്ചു പേര്‍ വിലയിരുത്താന്‍ എത്തിയിരുന്നു.പിന്നെ ബുജികളായ  കുറെ  കുട്ടികളും .

ഞങ്ങള്‍ "ഇ" ഗ്രൂപ്പ് ആയിരുന്നു.ഞാന്‍ OGRA ,S S D SISUVIHAR  എന്നിവിടങ്ങളില്‍ നടത്തിയ  അവതരണങ്ങള്‍  ഓര്‍ത്തു കൊണ്ട് വേദിയില്‍ കയറി.കയറിക്കഴിഞ്ഞാല്‍ പിന്നെ എനിക്ക് കുഴപ്പമില്ല .അതിനുമുന്‍പ്‌ ടെന്‍ഷന്‍ ഉണ്ടായിരുന്നു.അതിനാല്‍ മറ്റു ഗ്രൂപ്പുകാരുടെ അവതരണം ഒന്നും തന്നെ ശ്രദ്ധിക്കാന്‍ കഴിഞ്ഞില്ല. എന്നാല്‍ എല്ലാ ഗ്രൂപ്പുകാരോടും വിമര്‍ശനാത്മകമായ ചോദ്യം ചോദിച്ച ഒരു  ബാലനെ ഞാന്‍ കണ്ടു .എന്നേക്കാള്‍ ഇളയതാണ് എങ്കിലും അവന്റെ ചോദ്യങ്ങള്‍ കുറിക്കു കൊള്ളുന്നത്‌ ആയിരുന്നു.ഞങ്ങളുടെ ഗ്രൂപ്പിനോടുള്ള അവന്റെ ചോദ്യങ്ങള്‍ക്ക് ഞങ്ങള്‍ നന്നായി മറുപടി പറഞ്ഞു .വിവിധ ചോദ്യങ്ങള്‍ക്ക് ഉത്തരം പറഞ്ഞ ഞങ്ങള്‍   സന്തോഷത്തോടെ  സീറ്റ്‌ ലേക്ക്  മടങ്ങി.ഞങ്ങള്‍ ഗ്രൂപ്പിനെ അപ്പോള്‍ വിലയിരുത്താന്‍  ശ്രമിച്ചു .എന്നാല്‍ ചേട്ടന്മാര്‍ അത് തടഞ്ഞു.കാരണം അത് അല്‍പ്പം ഉറക്കെ  ആയിപ്പോയി.

ഡി എന്‍ എ വേര്‍തിരിക്കുക,ക്വാണ്ടം സിദ്ധാന്തവും എന്‍ഡോസള്‍ഫാനും  തമ്മിലുള്ള ബന്ധം   വിശകലനം ചെയ്യുക (അതെനിക്ക് മനസ്സിലായില്ല) എന്നിവയെക്കുറിച്ചുള്ള പ്രൊജക്റ്റ്‌കള്‍ ഉണ്ടായിരുന്നു.സുഗന്ധ ദ്രവ്യങ്ങളെ ക്കുറിച്ച് ഉള്ള പ്രൊജക്റ്റ്‌ ചെയ്തവര്‍ നല്ല നിലവാരം പുലര്‍ത്തി.

അതിനിടയില്‍ ഞാന്‍  പാപ്പുട്ടി മാഷിനെ പരിചയപ്പെട്ടു.എന്റെ ബ്ലോഗിന്റെ  പേര് അറിഞ്ഞപ്പോള്‍ അദ്ദേഹം പുഞ്ചിരിച്ചു.(കാരണം മനസ്സിലായല്ലോ )എന്നാല്‍ എന്റെ  ബ്ലോഗ്‌ അഡ്രസ്‌ അദ്ദേഹത്തിന് നല്‍കാന്‍ സമയം കിട്ടിയില്ല.

എന്തൊക്കെയാണ് എങ്കില്ലും അവസാനം  13 പേരെ മികച്ച വിദ്യാര്‍ഥികള്‍ ആയി തിരഞ്ഞെടുത്തതില്‍ ഒരാള്‍ ഞാന്‍ ആയതില്‍ സന്തോഷിക്കുന്നു.അടുത്ത സംസ്ഥാന തല  ബാലശാസ്ത്ര കോണ്‍ഗ്രസ്‌  മങ്കോമ്പിലെ (ആലപ്പുഴ) നെല്ല് ഗവേഷണ കേന്ദ്രത്തില്‍  ആണ് നടക്കുക.

ഇങ്ങനെ   ഒരു പരിപാടി നടത്തി അതൊരു വന്‍ വിജയം ആക്കി തീര്‍ത്ത KSSP ക്ക് നന്ദി.


ജിവിതം - എന്ത്,എന്തിനു?


NB-ഇന്നലെ പെരിയാറിന്റെ തീരത്ത് നിന്നും കണ്ടെടുത്ത ഇന്ദു എന്ന പെണ്‍കുട്ടിയെക്കുറിച്ച്  ചിന്തിച്ചു നോക്കൂ ...എന്തിനാണെന്ന് വ്യക്തമല്ലാത്ത ഒരു മരണം .ഈ ഗവേഷണ വിദ്യാര്‍ഥി ഇങ്ങനെ ചെയ്തത് വളരെ മോശം ആയിപ്പോയി.ജിവിതത്തിലെ ചില നിമിഷത്തെ പൊട്ട ചിന്തകള്‍ അവളെ എത്തിച്ചത് പോട്ടക്കയമുള്ള പെരിയാറിലെ ചുഴിയിലേക്ക് ... സ്വര്‍ഗത്തിലെയോ നരകത്തിലെയോ അതിനിടക്കോ നെറ്റ് കിട്ടുമ്പോള്‍ ആ ചേച്ചി  ഇത് വായിക്കട്ടെ.
                              ************************************************


ജനിക്കുമ്പോള്‍  മരണത്തലേക്കുള്ള യാത്ര തുടങ്ങുന്നു..
വളരുമ്പോള്‍ പൊയ്മുഖം ഒപ്പം വളരുന്നു...
ജീവിക്കുമ്പോള്‍ പഠിക്കുന്നു...
ചിന്തിക്കുമ്പോള്‍ ആശയം വിപുലമാകുന്നു...
ഓര്‍മകള്‍  മനസ്സില്‍ നിന്നെടുത്തു ഇടക്കൊക്കെ പൊടിതട്ടുമ്പോള്‍ മനസ്സ് വിശാലം ആകുന്നു... 
എഴുതുമ്പോള്‍  വികാരം തുറക്കപ്പെടുന്നു...
എന്നാല്‍ ,സ്വയം ഹത്യ ചെയ്യുമ്പോള്‍ എന്താണ് ഗുണം?

ഇത്തരം ആത്മഹത്യകള്‍ ചെയ്യുന്നതിന് മുന്‍പ് ഓര്‍ക്കുക 
"ഈ ജീവിതം മധുരവും കയ്പ്പും എല്ലാം നിറഞ്ഞതാണ്‌"





Thursday, April 28, 2011

മമ്മിക്കുണ്ടോ അമ്മയുടെ സുഖം?

അമ്മയുടെ നിര്‍ദ്ദേശ പ്രകാരം അ,ആ ,ഇ ,ഈ എഴുതി   പഠിക്കുകയായിരുന്നു നീരജ...
"ഒ  "എത്തിയപ്പോള്‍  അവള്‍ മറന്നു ....
"ശ്ശെ ഇതിലും എന്തെളുപ്പം ആയിരുന്നു എ ബി സി ഡി"
"അല്ല മോളെ തെറ്റിയേ പഠിക്കൂ " ....
അമ്മ ഓടി വന്നു.
"അമ്മെ ഞാന്‍ ഇനി അമ്മയെ  മമ്മി എന്ന് വിളിച്ചോട്ടെ...
നിമ്മി നിമ്മിയുടെ  അമ്മയെ  അങ്ങനാ വിളിക്കുക" ...
"അത് സാരല്യ മോളെ  -നീ അങ്ങനെ വിളിക്കണ്ട"

പിന്നീട് അമ്മ ആരോട് എന്നില്ലാതെ പറഞ്ഞു
"അമ്മ എന്ന വാക്കിന്റെ  തണുപ്പും
അമ്മയുടെ സമാശ്വാസത്തിന്റെ    സുഖവും
ശകാരത്തിന്റെ കയ്പ്പും -ഒന്നും
വാതുറക്കാതെ പറയുന്ന  
മമ്മി എന്ന വാക്കിനു കിട്ടില്ല "


Monday, April 25, 2011

ഭൂമിയിലെ യഥാര്‍ഥ സാത്താന്‍

കേരളത്തിന്റെ   ബഹുമാന്യനായ മുഖ്യമന്തി ശ്രി വി എസ് അച്ചുതാനന്ദന്‍ നേതൃത്വം നല്‍കിയ തിരുവനന്തപുരം ജില്ലയിലെ "എന്‍ഡോ സള്‍ഫാന്‍ വിരുദ്ധ ഉപവാസത്തില്‍ "ഞാനും  പങ്കെടുത്തു.അതെ  എന്ടോ  സള്‍ഫാന്‍ നിരോധിക്കൂ ,വരും തലമുറകളെ എങ്കിലും സംരക്ഷിക്കൂ ...
*********************************************************


രാവണം എന്ന് ഒരാള്‍ ചോദിച്ചാല്‍ 
എന്തുത്തരം   പറയണം    എന്ന് ഓര്‍ത്തു ഇരിക്കുകയാണ് ഉണ്ണിക്കുട്ടന്‍...
ആഗ്രഹങ്ങള്‍ എല്ലാം സാധ്യം ആകുന്ന 
ഒരു നാടായി പിന്നീട് അവന്റെ സ്വപ്നം  ....
ചിന്തിച്ചു ചിന്തിച്ചു  വര്‍ണ്ണങ്ങളുടെയും വരകളുടെയും  വിചിത്രമായ 
ഒരു  ലോകത്തവന്‍ എത്തി ചേര്‍ന്നു...
അല്‍പ്പ നേരത്തെ സ്വപ്നത്തിനു ശേഷം അവന്‍ കണ്‍ തുറന്നപ്പോള്‍ 
ചേച്ചി  ടി വിക്ക് മുന്നിലിരുന്നു 
എലിമിനേഷന്‍  റൌണ്ടില്‍ അവുട്ടാകുന്ന 
തന്റെ   പ്രിയ മത്സരാര്‍ഥിക്ക് എസ് എം എസ് 
അയക്കുകയാണ്...
പെട്ടന്നാണ് അമ്മ  രാവിലെ വായിച്ചിട്ട് വെച്ച പത്രം
തന്റെ   മുന്‍പില്‍ കിടക്കുന്നത് അവന്‍ ശ്രദ്ധിച്ചത്...
അവനതെടുത്തു...
ഏറ്റവും  മുന്‍പിലത്തെ പേജില്‍ 
എന്‍ഡോ സള്‍ഫാന്‍ തിന്നു ബാക്കി വെച്ച ഭക്ഷണമാണ് അവന്‍ കണ്ടത്...  
ഉണ്ണി ആ വാര്‍ത്ത‍ അല്‍പ്പം ഗൌരവത്തില്‍ ഉറക്കെ തന്നെ വായിച്ചു...
എന്നാല്‍ ഒരു പ്രതികരണവും    ഉണ്ടായില്ല...

എന്‍ഡോ സള്‍ഫാന്‍    എന്ന കാലനാണ് നരകത്തില്‍ സ്ഥലമില്ലതതിനാല്‍ 
ഭുമിയിലെ   നഗരത്തില്‍ സ്ഥലം വാങ്ങിയത്. 
മാത്രവുമല്ല 
ഇരകളെ  പാതി കൊന്നവശേഷിപ്പിക്കാന്‍ നരകത്തില്‍ കാലന്മാര്‍ക്ക്   അനുവാദവുമില്ലല്ലോ?

സ്വപ്ന ലോകത്തിരുന്നു  സ്വപ്നം കണ്ട തന്നെക്കുറിച്ച് അവനു നാണം   തോന്നി 
അപ്പോഴും ചേച്ചി തന്റെ പണി തുടര്‍ന്ന് കൊണ്ടിരുന്നു...









Thursday, April 21, 2011

കൈവിരലുകള്‍ എണ്ണി തീര്‍ക്കാം


നിലാവുള്ള രാവില്‍ ആട്ടുകട്ടിലില്‍ കിടന്ന് തന്റെ തൊട്ടുമുന്നില്‍ കണ്ണുചിമ്മിക്കളിക്കുന്ന തൊണ്ടിലെ* വഴിവിളക്കിന്റെ ചിമ്മലുകള്‍ കൈവിരലുകളിലെണ്ണുകയായിരുന്നു അപ്പു.....
പത്തുതവണ എണ്ണിക്കഴിഞ്ഞപ്പോഴേക്കും അവന്‍ അമ്മയോട് വിളിച്ച് പറഞ്ഞു
അമ്മേ എന്റെ കൈ തീര്‍ന്നു.”
ചിരിച്ചുകൊണ്ടോടി വന്ന അമ്മ അവന്റെ തിക്കുകൂട്ടുന്ന മുടിയിഴകള്‍ക്കിടയിലൂടെ തന്റെ കൈവിരലുകളോടിച്ചു.
അവനിലതിക്കിളി ഉളവാക്കി.....
ആ അമ്മ പറഞ്ഞു നിനക്കിനിയുമെണ്ണാന്‍ നിന്റെ കാല്‍ വിരലുകളുണ്ട്.....
അവനതും എണ്ണിത്തീര്‍ത്തു.....
അവനമ്മയോട് പറഞ്ഞു -ഇനി അമ്മയുടെ കൈ......
ചിന്തനം - ഇങ്ങനെ അവനവന്റെ വിരലുകളെണ്ണിത്തീര്‍ത്താല്‍ അമ്മമാരുടെ വിരലുകളെണ്ണാന്‍  കൊതിക്കുന്നവര്‍  ഏറെ   
എന്നാല്‍  അതിനു പോലും സാധിക്കാത്തവര്‍ അതിലേറെ.....

*തോട് =ഇടവഴി 

Wednesday, April 20, 2011

പഞ്ചാര കുട്ടനു പഞ്ചാര വേണ്ട

പാല്‍ വെണ്ണ നിറമുള്ള പഞ്ചാര കുപ്പിയില്‍ 
പതിയെ പതിയെ തന്റെ പിഞ്ചു കൈകള്‍  പൂഴ്ത്തിവെക്കാന്‍ പലതവണ ശ്രമിച്ചു...
പക്ഷെ പഞ്ചാര കുട്ടന് പറ്റിയില്ല 

കാലങ്ങള്‍ക്ക് ശേഷം......
പിന്നീടു പുത്തന്‍ സ്പൂണില്‍ നിറയെ പഞ്ചസാര കിട്ടിയാലും മുഖത്ത് പാല്‍ പുഞ്ചിരിയില്ല കാരണം പഞ്ചാര കുട്ടനിത്  വേണ്ടേ വേണ്ട....
അവനിന്നിഷ്ടം പെട്ടിക്കടയില്‍ കാറ്റത്ത്‌ ഊയലാടി കളിക്കുന്ന പാന്‍പരാഗിനെയും  ശംഭുവിനെയും ഒക്കെ ആണ്...

ഒരു വാക്ക് കൂടി
ക്ഷമിക്കുക....
ഇനിയവനെ തിരുത്തുവാന്‍ ആര്‍ക്കും കഴിയില്ല - ഈ  വിഷവസ്തുക്കള്‍ക്കല്ലാതെ.
നമുക്ക് പ്രാര്‍ഥിക്കാം  "ഇനി പഞ്ചാര കുട്ടന്മാര്‍  ഇങ്ങനെ ആവാതിരിക്കാന്‍ "
നമുക്ക് പഠിപ്പിക്കാം പക്വതയുടെ അടയാളമോ അളവുകൊലോ അല്ല ഈ വിഷവസ്തുക്കള്‍ എന്ന്...


Tuesday, April 19, 2011

കുഞ്ഞവറാന്‍ ഇന്നില്ല...

കരിക്കിനാല്‍ തറവാട്ടിലെ 
കോലായിലിരുന്നു  കൊച്ചുവര്‍ത്തമാനം പറയുന്നതിനിടെയാണ് 
കേശവന്‍ നായര്‍ പാഞ്ഞു വരുന്ന കുഞ്ഞവറാനെ കാണുക ..

കഞ്ഞിയും കറിയും പോലും ഇല്ലാതെ 
കുത്തിയൊലിക്കുന്ന മഴയത്തും 
കാഞ്ഞ വെയിലത്തും  
കടകളിലും കൂരകളിലും കിടന്നുറങ്ങുന്ന കുഞ്ഞവറാന്‍  
കരിപ്പാടം  ഗ്രാമത്തിലെ കള്ളനായി കാലങ്ങളായി വേഷമിടുന്നുണ്ട്.
കുഞ്ഞന്റെ പുറകെ കുര്‍ത്ത തൊപ്പിയും കട്ടിയുള്ള വടിയും കുട്ടിയുടുപ്പുമായി 
കരിപ്പാടം പോലീസ് 
കലിതുള്ളി കൂടെ എപ്പൊഴും ഉണ്ടാകും .

എന്നാല്‍ കുറച്ചു ദിവസമായി കുഞ്ഞവറാന്‍  അപ്രത്യക്ഷനായിട്ടു..
 ഗ്രാമത്തിലെ കൊച്ചു കള്ളങ്ങള്‍ ചെയ്തു കാല്‍ വയര്‍ നിറച്ചിരുന്ന കുഞ്ഞന് പകരം
ഇന്നു കാടും മലയും  കടപട ഇടിച്ചുനിരത്തി പരസ്യമായി പൊതുമുതല്‍ കക്കുന്ന  ഭുമാഫിയകളും  ആനമുഖിയനുമൊക്കെ കൊണ്ട് കരിപ്പാടത്തിന്റെ മുഖത്ത് 
ശരിക്കും കറുത്ത പാടുകള്‍ വീണിരിക്കുന്നു...



Friday, April 15, 2011

ജനവിധി..

പലരും എന്റെ അടുത്ത് വന്നു 
ചിലര്‍ സന്തോഷത്തോടെ ...
സങ്കടത്തോടെ 
മറ്റു ചിലര്‍ രൂക്ഷ ഭാവത്തോടെ ...
പ്രതികാര തള്ളിച്ചയുമായി കുറെ പേര്‍  
എന്നെ വന്നു കുത്തി 
ആഞ്ഞാഞ്ഞ്...
കന്നിക്കാര്‍ക്ക് ഞാന്‍ ഒരു പുത്തന്‍ അനുഭവം ആയിരുന്നു
എന്നിലെഴുതിയ ചില പേരുകളെ 
ചിലര്‍ ഗൌനിച്ചതേയില്ല
ചില പേരുകളില്‍  ജനങ്ങള്‍ സന്തോഷത്തോടെ കുത്തികൊണ്ടേയിരുന്നു ....
ഞാന്‍ അറിയുന്നു ഇത് ജന വിധിയാണ്..
പുത്തന്‍ സര്‍ക്കാരിനായുള്ള    ജനവിധിയാണ് ...





Wednesday, April 13, 2011

ഇലക്ഷന്‍

ഇപ്പോള്‍ നാട്ടിലാണ് .എലെക്ഷന്‍ ഒക്കെ അല്ലെ.തോടുപുഴയും തിരഞ്ഞെടുപ്പ് ചുടില്‍ തന്നെ..അക്കയും അപ്പുപ്പനും അച്ഛമ്മയും എല്ലാം രാവിലെ പോയി വോട്ട് ചെയ്തു.ഞാന്‍ എല്ലാവരുടെയും കൂടെ പോയി.അവിടെ നിന്ന പോലീസുകാരനോട്‌ വര്‍ത്തമാനം പറഞ്ഞു .ഇത് തന്നെയാണ് കാലങ്ങളായുള്ള പണി.ബൂത്തില്‍ ചെന്നു വായിനോക്കാന്‍ അടുത്ത ലോകസഭ തെരഞ്ഞെടുപ്പിനും നിയമ സഭ തെരഞ്ഞെടുപ്പിനും എന്നെ കിട്ടില്ല...(കാര്യം മനസ്സിലായല്ലോ?)
ഇത്തവണയും എന്തായാലും നമ്മുടെ അച്ചുമാമന്‍ തന്നെ മുഖ്യന്‍.ആ കാര്യം അറിയാന്‍ ഇനിഎന്തിനാ മേയ് വരെ കാത്തിരിക്കുന്നത്.ഞാന്‍ ഒരു കാര്യം ഉറപ്പിച്ചു പറയാം ഒരു എഴുപത്തിയഞ്ച് സീറ്റ്‌ ഉറപ്പാണ്‌ .ഐസക്‌ ചേട്ടന്‍,അച്ചുമാമന്‍,സ്പീക്കര്‍,ഇവരൊക്കെ പെട്ടി പൊട്ടുമ്പോള്‍ ചെലവു ചെയ്യാനുള്ള മിട്ടായി വാങ്ങാന്‍ ഇന്നലെ ത്രിവേണിയില്‍ വന്നിരുന്നു. കോടിയേരി ആളത്ര ശരിയല്ല .പന്ന്യന്‍ ചേട്ടന് വലിയ ഭുരിപക്ഷം കിട്ടും.
തൊടുപുഴയില്‍ പത്തു candidates ഉണ്ട്. .പിന്നെ മാണി ജയിക്കും.മണി സി കാപ്പന്‍ പാവം...
ഇനി ഒരു അഞ്ചു കൊല്ലം കൂടി സഖാക്കള്‍ കേരളം ഭരിച്ചാല്‍ നമ്മുടെ കേരളം ശരിക്കും ഗോഡ്സ് ഓണ്‍ രാജ്യം ആകും..