Friday, February 19, 2010

അനുഭവങ്ങളുടെ ആദ്യ ദിവസം

മധുര പലഹാര വിതരണത്തിന് ശേഷം മീനാന്റി പോയി .(മീനാന്റിയെ പറ്റി പിന്നീടു എഴുതാം )  പെട്ടന്നാണ് മുന്നു ക്ലാസ്സുകളും നിശബ്ദം  ആയതു .ഓഫീസ് റൂമില്‍ നിന്നും മുന്ന് അധ്യാപികമാര്‍ കുത്തുകല്ല് വഴി ഇറങ്ങി വരുന്നു .
ഷീല ,താര ,ശ്രീകുമാരി  ഇവര്‍ മുവരും ആണ് ഇനി ഈ സ്കൂളിലെ  ഏറ്റവും  മുതിര്‍ന്ന ക്ലാസ്സുകളെ നയിക്കുക .ഞങ്ങളുടെ  ക്ലാസ്സിലേക്ക് ഒരു കറുത്ത മറുകുള്ള  ടീച്ചര്‍ കയറി വന്നു ..അതെ .....ഒരു കൊച്ചു പുഞ്ചിരിയും ആയി ഞങ്ങളുടെ  സ്വന്തം ഷീല ടീച്ചര്‍.

ടീച്ചറിനെ എല്ലാവരും വണങ്ങി .അന്ന് തന്നെ ടീച്ചര്‍ ഞങ്ങളുടെ  ക്ലാസ്സിലെ ഇരുപ്പിന്റെ സ്ഥാനം  നേരെ ആക്കി .അങ്ങനെ വന്നപ്പോഴാണ് ഞാന്‍ പാറുക്കുട്ടിയുടെ പ്രിയ കൂട്ടുകാരി ആയി മാറിയത് .വലത്തേ അരികിലെ സീറ്റ്‌ കിട്ടി ഇല്ലെങ്കിലും അവളെ അടുത്ത് കിട്ടിയതില്‍ ഞാന്‍ അഭിമാനിക്കുക തന്നെ  ചെയ്യുന്നു .അന്ന് ടീച്ചര്‍  എന്നെ  എഴുന്നേല്‍പ്പിച്ചു.എന്നിട്ട് സ്വയം പരിചയപ്പെടുത്താന്‍ പറഞ്ഞു .തലേന്ന്  രാത്രി പറഞ്ഞു പഠിച്ചത് അനുസരിച്ച് ഞാന്‍ എന്റെ പേര്  കവിത എന്ന് ഉറക്കെ പറഞ്ഞു ..
ടീച്ചര്‍ എന്നെ എഴുന്നെല്‍പ്പിക്കുന്നതിനു മുമ്പെ   കുട്ടികള്‍ പുതിയ കുട്ടി വന്നു എന്ന് വിളിച്ചു പറയാന്‍തു ടങ്ങിയിരുന്നു ..
ടീച്ചര്‍ പറഞ്ഞു "കുട്ടികളെ നിങ്ങള്‍ സ്വയം പരിചപ്പെടുത്തി കവിതയ്ക്ക് ഒന്ന്  എഴുതൂ" ..എല്ലാവരും പുത്തന്‍ പേനയും സുഗന്ധം വിട്ടുമാറാത്ത ബൂക്കുകളിലെ പേപ്പര്‍ ഉം എടുത്തു സന്തോഷത്തോടെ എഴുതിത്തുടങ്ങി.... ഞാന്‍ എല്ലാവരുടേയും മുഖലക്ഷണങ്ങള്‍  നോക്കി നിന്ന് ..അങ്ങനെ  നോക്കിയപ്പോഴാണ് ഒരാളെ കണ്ടത് .എന്റെ മുഖം ,എന്റെ കണ്ണ് ,എന്റെ പെരുമാറ്റ രീതി ഞാന്‍ അവളോടെ പേര് ചോദിച്ചു .അവള്‍ എന്നോട് പറഞ്ഞ പേര് എന്താണെന്നോ ??
 
 ലക്ഷ്മി ..എന്ന ലക്ഷ്മി കുട്ടി .
ഞാനും വീട്ടില്‍ ലക്ഷ്മി ആണല്ലോ . ഞങ്ങള്‍ വിശേഷങ്ങള്‍ ഞങ്ങള്‍ പങ്കു  വെച്ചു..
എന്റെ ഇരു വശങ്ങളിലും എന്റെ പ്രിയപ്പെട്ടവരായല്ലോ  ....ഞാന്‍ സന്തോഷത്തോടെ മനസ്സില്‍ ചിരിച്ചു .

ടീച്ചര്‍ എല്ലാവരുടെയും പരിചയപ്പെടുത്തല്‍ ലേഖനം വാങ്ങിച്ചു എനിക്ക് തന്നു . എന്നിട്ട്  പറഞ്ഞു :വായിച്ചിട്ട് നാളെ കൊണ്ടുവരണം . .എല്ലാവരുടെയും ഫോട്ടോ കൂടി ഉണ്ടായിരുന്നു എങ്കില്‍ ഉചിതം ആയേനെ..ഉച്ചക്ക് സ്കൂള്‍ വിട്ടു .ഞാന്‍ പുത്തന്‍ വഴികളിലൂടെ നടന്നു .പണ്ടത്തെ വഴി തന്നെ   .എങ്കിലും പുത്തന്‍ സ്കൂളില്‍ നിന്നും വരുന്ന വഴി പുത്തന്‍ വഴി അല്ലെ ?? ..മനസു മുഴുവന്‍ ആ ലേഖനങ്ങള്‍  ആയിരുന്നു .വീട്ടില്‍ ചെന്നു വായിക്കാനുള്ള ക്ഷമ കിട്ടിയില്ല .മെയിന്‍ റോഡ്‌ കഴിഞ്ഞു .ബാഗ്‌ തുറന്നു ..ലേഖനങ്ങള്‍ ഓരോന്നായി വായിച്ചു ..ആഹ്ലാദം കൊണ്ട് ഞാന്‍ ആകാശത്തില്‍ എത്തി .       വീട്ടില്‍ എത്തിയിട്ടും വായിച്ചത് തന്നെ  തന്നെയും പിന്നെയും വായിച്ചു കൊണ്ടിരുന്നു .മനസ്സില്‍ ഉറക്കാന്‍ വായിക്കുക ആണ് എന്ന വണ്ണം .. പേരുകള്‍  കേട്ടു ഞാന്‍ അന്തം വിട്ടു എന്ന് തന്ന പറയാം ..
... അഭിരാമി ,അഖില , ,

 ഗാംഭീര്യമുള്ള ഈ പേരുകള്‍ക്ക് പുറമേ ..........
ലക്ഷ്മി ,കൃഷ്ണനുണ്ണി ,അശ്വന്ത് ,അഭിഷേക്  തുടങ്ങിയ ദേവ നാമങ്ങളഉം കൊണ്ട്  സമ്പുഷ്ടം  ആയിരുന്നു  ഞങ്ങള്‍ടെ  ഏഴ് എ 

                                                                                                      (തുടരാന്‍ ആഗ്രഹിക്കുന്നു )

2 comments:

  1. ഓര്‍മകള്‍ ഒരുപാടങ്ങ്‌ മധുരിക്കുന്നു,അല്ലെ ചിരുതകുട്ടീ...

    ReplyDelete
  2. അതെ അക്കെ ഓര്‍മകള്‍ മനസ്സിലെ മധുര സ്മരണകള്‍ തന്നെ ആണല്ലോ....ജീവിതത്തിലെ ആ സ്മരണകള്‍ ഓര്‍ക്കുമ്പോള്‍ തന്നെ മനസ്സിന് സന്തോഷം കിട്ടും ..അപ്പോള്‍ അത് മറ്റുള്ളവര്‍ക്കായി സമര്‍പ്പിക്കുമ്പോഴോ?ഓര്‍മകള്‍ ഉണ്ടായിരിക്കണം...

    ReplyDelete